News & Events‎ > ‎News & Events‎ > ‎

Festival

ڕۆژی پێنجشەممە بەرواری (٢٠١٩/٥/٢)، لە ژێر چاودێری (پرۆفیسۆری یاریدەدەر د. رەزا حەسەن) سەرۆكی زانكۆی سلێمانی و بە ئامادەبوونی (د. ئاراس فەریق زەینەڵ) یاریدەدەری سەرۆكی زانكۆ بۆ كاروباری خوێندكاران و بەشێك لە ئەندامانی ئەنجومەنی زانكۆی سلێمانی و مامۆستایان و فەرمانبەران و خوێندكارانی كۆلێجمان یەکەمین فێستیڤاڵی ساڵانە بەڕێوەچوو.

 سەرەتای فێستیڤاڵەكە بە ساتێك وەستان بۆ ڕۆحی پاكی شەهیدانی كوردستان دەستیپێكرد، دواتر وتاری بەخێرهاتن لەلایەن لیژنەی ئامادەكاری فێستیڤاڵ   خوێندرایەوە، پاشان لەلایەن (پرۆفیسۆری یاریدەدەر د. نەرمین مەعروف غفور) ڕاگری كۆلێجمان وتارێکی سەبارەت بە کۆلێجەکەمان خوێندەوە.

 دواتر وتاری سەرۆكایەتی زانكۆی سلێمانی لەلایەن (پرۆفیسۆری یاریدەدەر د. رەزا حەسەن) سەرۆكی زانكۆی سلێمانی، خوێندرایەوە كە تیایدا   پیرۆزبایی لە مامۆستایان و خوێندكارانی كۆلێجی بازرگانیکرد بۆ ئەنجامدانی ئەم جۆرە فیتیسیڤاڵ و چالاكییانە.
 ئاماژەشی بەوەدا کە كۆلێجی بازرگانی یەكێكە لە كۆلێجە زۆر چالاكەكانی زانكۆی سلێمانی و رۆڵی گرنگی گێڕاوە لە بەرزكردنەوەی ئاستی زانستی   زانكۆی سلێمانی، وەك سەرۆكایەتی زانكۆی سلێمانی پشتگیری تەواوی لێدەكەین و هەمیشە پشتیوانیان دەبین لە كارەكانیاندا.
 دواتر بە پێشكەشكردنی چەند تابلۆیەكی هەڵپەڕكێ و میوزیك و گۆرانی و چەند چالاكییەكی  زانستی و هونەری و كلتوری فێستیڤاڵەكە زیاتر رەنگاڵە   ترکرا.
    









Comments