چالاکی بەشى دارایى و بانک

رۆژى یەک شەممە بەروارى (7/5/2017)، لە درێژەى چالاکیەکانى خۆیدا بەشى (دارایى و بانک)ى سەربە کۆلیجمان گەشتێکى زانستى یەک رۆژەى رێکخست، بۆ خوێندکارانی قۆناغی سێهەم، بۆ بانکی بازرگانى ئاڵاى هەرێم، بەسەرپەرشتی      (م. پەیوەند محمود)، مامۆستاى وانەى التسویق المێرفی
ئەوەى شایانی باسە گەشتەکە وەک پێداویستیەکى پراکتیکى بەشى ناوبراو رێکخرابوو بەمەبەستى ئاشنابوونى خوێندکاران بەکارو خزمەتگوزاریەکانى بانک بەگشتى و خزمەتگوزاریەکانى بانکی ناوبراو بەتایبەتى، لەکۆتایى گەشتەکەدا خوێندکاران خۆشحاڵى خۆیان دەربڕى بەئەنجامدان و سازکردنی ئەم جۆرە گەشتانە. لێرەدا جێى خۆیەتى سوپاسی خۆمان ئاراستەى بەڕێوەبەر و سەرجەم کادرەکانى بانکى ناوبراو بکەین بۆ هەوڵ و ماندوبوونیان، نمونەیان زۆر بێت، دووبارە سوپاسیان دەکەین